السلام عليكم ورحمة الله وبركاته...

مساء/صباح الخيرات على احلى ناااس

حبايبي...

الاكثر او البعض منا اخيرا خلص امتحاناته

وطبعا النظام معرووف ايام الامتحانات الواحد اربعه وعشرين ساااعه مقااابل الكتاب

والكل يناقش ويسأل ويخطط واحيان يدفع فلوووس علشان يوصل للنسبه او المعدل المرغوب فيها

حبايبي انا ابي اعرف وش سوينا لربنا هل حنا استعدينا للاختبار الاخير اللي هو اختبار الاخره

انا ادري كلنا فينا الخير ولا يحتاج نزكي انفسنا على الله "ولاتزكوا انفسكم هو اعلم بما في قلوبكم"

بس طبعا حنا مهما نسوي بنكون مقصرين في حق ربنا

الله مايبي منا فلوووس ولا ملخصات ولا مدرسين او اي شي من اختبار الدنيا

لا اللي يبيه عبد يقوم بواجبه تجاه ربه ودينه

انا اللي ابي اسأل هل حنا خططنا وتعبنا وسهرنا وتناقشنا في ديننا وحق ربنا

او سألنا في اي شي يصعب علينا في ديننا

مثل ماسوينا بالدنيا ترى والله حنا محاسبين على الكل اللي سويناه اذا كنا فضلنا الدنيا على ربنا

او على حق من حقوق ربنا

انا اللي ابيه من نفسي ومنكم ان حنا نستعد لذاك اليوم مثل ما استعدينا لايام الاختبارات في الدنيا

بل اعظم من الدنيا لان هذا الاختبار مافيه لا اعادة دور ولا واااسطه ولا اي شي غيره اللي قدمته


انا اللي ابيه ان حنا نعمل ونتعب على ان نقوم بحق ربنا مثل ماقمنا بحق اختباراتنا في الدنيا

واذكرك مهما سويت شي لربك فأنت ماسويت الا القليل لو نسوي وش نسوي

وحاول دايم تحسس نفسك انك مقصر في حق ربك علشان تقدر تسوي الاكثر

"" واللبيــــب بالاشــــاره يفهـــــم""

واسف على الاطاله بس والله الموضوع كان بقلبي وماحبيت اني ابخل على اغلى نااااس

اخوكم...

بصراحه ...

تعبنا وشقينا في اختبارات الدنيا ... اهملنا الاخره ولاجت على البال

مااستعدينا ... ولافكرنا ...


والله يعطيك العافيه وجزاك ربي الف خير في ميزان حسناتك

نسأل الله الجنــه

والعمـل ان شااء الله عامليـن للدنيـا والآخره

..

جزاج الله كل خير أختي على هالتذكيـر

يسلموا ايديك خيتي
و يعطيك العافية يا رب .. موضوع رائع
فيه من الفائدة و الاحسان الكثير
جزاك الله خيرا

\\

يبقى املنا بالله سبحانه و تعالى
و رجائنا بالشمول في رحمته هو طوق النجاة