في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..


كانت البنت إذا البست عبايه مطرزه مزخرفه ملونه قلنا عنها صايعه ومو متربيه .. او ماوراها اهل ورجال ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..

اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديت عنها لاينتهي ..


لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا القصير تحت العباه .. وياريت تكون العباه مسكره ..

الا مفتوحه وتظهر السيقان والي مايشوف الا غصب يشوف ..

يعني ودي اعرف وشو هدف الفتاه لما تلبس برمودا والسيقان طالعه ووتمشى في المجمع وبكل ثقه ؟؟

واللي يرفع الضغط لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف وهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قليل ادب ومو متربي وووو .... الخ ..

طيب اذا اهو قليل ادب انتي وشو ؟؟ انتي ماحترمتي نفسك ولا احترمتي الموجودين في هالمكان

ليش تتوقعين من الشباب يحترمونك ولا يسون لك حساب؟؟


والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟

الاهل وينهم ؟؟ مايشوفون بناتهم ؟ مايشوفون وش لابسين ؟؟

اوكي خل الاهل على جنب ؟؟ البنات شلون يرضون على نفسهم ؟؟ نسوا العادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟

كل هالأشياء صارت عاديه بالنسبه لهم ؟؟؟

عموما ماراح اطول عليكم .. بس بغيت نتناقش في هالمووضع واعرف رايكم فيه ..

وياريت اتجاوبوني على هالاسئله .. وكله في النهايه لتعم الفائده على الجميع ..


1_ هل صادف وان شفت هالظاهره امامك ؟ و أين ؟؟

2_ شرايكم بهالنوع من الفتيات ؟

3_ برأيكم مالهدف الذي يجعل الفتيات يطلعون بهالشكل ؟؟

واخيرا .. هل في كلمه تحب توجها لهالفتيات ؟ نصيحه او حتى نقد ؟؟

واسمحولي اذا طولت عليكم ..بانتظار مشاركاتكم وارائكم بالموضوع

تحيااااااااتي

شوق المنتظر بارك الله فيك والله يعطيك على قد نيتك ,,

1_ هل صادف وان شفت هالظاهره امامك ؟ و أين ؟؟

نعم ,, كثير للاسف


2_ شرايكم بهالنوع من الفتيات ؟

لن اقــول انهم لم يتربو او انهم لا يعرفون الاخلاق والقيم ولكنـ البعض منهن لا يوجد مثلها في الادب والاخلاق

ولكن اخذت هالشئ من باب الموضه والتقليد من الغرب وبعض الدول العربيه ,,

فانا ارى انها مخطئه ,, والله يهديها ,,

3_ برأيكم مالهدف الذي يجعل الفتيات يطلعون بهالشكل ؟؟

سيطرة الغرب على مجتمعاتنا وتقليد عاداتهم ,,

واخيرا .. هل في كلمه تحب توجها لهالفتيات ؟ نصيحه او حتى نقد ؟؟

الله يهديكم ويحميكم من كل شر,, وانتبهو على انفسكم

وعليكم بطاعة الله فهي الاساس لتبعدكم عن كل ما هو فيه ضرر لكم ,,



اشكرك شوق المنتظر من اعماق قلبي

الله يعطيكـ العافيهـ يالغاليهـ ع الطرح ,,

مشكور على مرورك العطر

مشكوووووووره