يادنيتي ارحميني
كافي تعذيبي .. يكفيني ماجرى منك
يكفي الي شفته من اقرب خلاني
يكفي انه جرحني وزود الآمي وجروح قلبي تنزف على مر الازماني
يكفي حبيبي نساني .. راح وخلاني عايشه وحدي مع احزاني
راح وخلاني
عشت وحدي مع احزاني ..
يادنيتي ارحميني ..
يادنيتي .. افهمي وش حالتي واعذريني
خلي تركني راح وخانني
بس بفهمك
ان قلبي للحين متعلق فيه
ابي قلبي يكرهه ويبعد عنه وينساه
ذوقني الويل الله يسامحه ..
حبيته من كل قلبي .. لكن وش جاني منه
غير هجراني
وش حصل لي يوم حبيته .. دايم اقول
ليتني ماذقت الحب ولاجربته
ليتني ماعشقته يوم ولاتمنيته
لكن كلها امنيات ..
ياقلبي ادري انك
توقعته يعاملنك بحنيه ..
توقعته يحبك بجنون وزياده شويه
ياقلبي ابتعد عنه وانسى من نساك
ياقلبي لاتسال عنه .. وهو مافكر فيك
وش تبي فيه .. ابتعد عنه وارتاح
وصدقني في بعدك بتطيب الجراح
وبتنسى حبه او جرب تتنساه
جرب تفكر في غيره ..
ابتعد عنه وخله
خله يسعد وينبسط من كل قلبه
خله يسعد مع من يحبه
مرده يحن لك في يوم
وبيحس انه محروم
كنت احبه
لكن اليوم مافي اي حب بداخلي له
كنت مااشوف الدنيا من دونه
كان كل شي بالنسبه لي
والحين هو بالنسبه لي شي ثاني
كان محبوب قلبي واقرب الخلاني
لكن الله يسامحه راح ونساني
لقى محبوب وعشق ثاني ..
ياقلبي خله وارحل بعيد ..
لااوصيك ياقلبي .. ابي تعلمه وتقوله
للاسف ماكان العشم والله
يامن كنت بحياتي كل السعاده والهنا
للاسف ماتوقعت اهون عليه
ماتوقعت يدور على عشق وحب غيري
لكن تواقعاتي .. ماجت هالمره صحيحه
تصدق ياقلبي اني كنت اظن اني بالنسبه له حبيبه
كنت اظن واظن ولكن للاسف ظنوني غبيه
ياترى ليه حبيته ..
ياترى ليه عشقته هويته ..
سوالين يحتاجون لاجابه ..
ليه اخترته .. وليه من بد كل الناس اخترته
وليه اغليته من كل قلبي .. ليه تعلقت فيه
احترت فيه .. للحين احبه واغليه
فوق الي فيني يسوويه
للحين احبه .. وهو يجرحني كل ليله ..
مااشوف منه الا القسى والاسيه ..
بس مااقول الا ياخساره
اانه حبك يوم قلبي .. ببتعد عنك وبحاول
وعسى الله يصبرني ويساعدني على نسيانك
وعسى الله يهون علي مصيبتي
برحل عنك وهذا قراري وباختياري
برحل عنك وعن دنياك بختفي
مراح تشوفني ولابتسمع اخباري
برحل عنك للابد .. بس ابيك تذكرني
بالخير كلما جيت على بالك
كلما مريت لو دقائق في فكرك
ابيك تذكرني ..
تعبت منك وقررت الرحيل وتركك
قررت الرحيل ..
فسامحني .. واعذرني
من كتاباتي الخاصه .. بقلم اميره بين البشر

[ فقط المشتركين فى المنتدى يمكنهم رؤية الرابط . اضعط هنا للتسجيل ... ]

يعطيج العافيه يااميره بين البشر كلامج جميل

.،

كلمات مؤلمه ورحيل مؤلم

والقرار أصعب قرار

تسلمين اختي ع النزف

شاكر لك

هلا وغلا خيوو
يسلموو على المرور

هايم الشوق
شكرا لك