شهوده والله انت نويه ترفعين ضفطي

افا ليش


ماعاش يلي يرفع ضغطك


بس انا ايش عملت

يا قالبي وش صار على القصه

التكمله...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
الحلقة الثالثة عشر :

وفي الساعة 6:00مسائا بعد صلاة المغرب تروح نوره من بعد صلاة المغرب ويا أبوها للمستشفى وتوقف نوره عند محل للورود وتشتري بوكيت من الورد الأحمر والبيضاء والصفراء والورديه علشان تهديها لولد عمها وحطت كرت على البوكيت وبعدها راحو للغرفة يلي فيها خالد و مايلاقون إي أحد من أهله وفي الغرفة .....


أبو نوره: السلام عليكم

خالد: وعليكم السلام هلا عمي تفضل

أبو نوره: هلا فيك وزاد الله فضلك يا ولدي

نوره: " بخجل وحياء تحط بوكيت الورد على الطاوله" سلامات سلامات وما تشوف شر يا ولد عمي

خالد: " بسعادة بشوفة نوره " الشر ما يجيك يا نوره وليش متعبه نفسك يا بنت عمي

نوره: تعبك راحه يا ولد عمي

خالد: " بسعادة" تسلمين يا نوره

نوره: " بعد ما تطمنت على خالد " ياله نمشي يا بوي

خالد: على وين تمشون توكم داخلين علي

نوره:"بخجل" أهم شيء تطمنى عليك والحمد لله أنت إنشاء الله أحسن اليوم

خالد: أنا الحمد لله اليوم أحسن من أول بس على الأقل لما يجو الأهل ومن بعدها أمشو لأني مليت من الجلسة لحالي

نوره:"بخجل و حياء" إذا رضي أبوي نجلس جلسنا

خالد:"بسعادة فائقة" هاه ياعمي وش قلت

ابونوره: وش أقول ياولدي ما أقول غير أمري لله

ويجلس خالد يسولف ويتكلم مع عمه ويطالع في نوره ونوره تطالع للأرض من شدة خجلها وحيائها ......

ابونوره: متى إن شاء الله راح تطلع من المستشفى

خالد: والله راح أطلع بكره بإذن الله والود ودي أطلع اليوم قبل بكره

ابونوره: خير إن شاء الله

خالد: ولا بعد راح أسافر بعد أربعة أيام يعني في يوم الخميس للشرقية

ابونوره:" بأستغراب" كيف تروح ورجلك لساتها ما خفت

خالد: راح أروح هناك وراح أخذلي أجازة مرضية كمن يوم علما تخف رجلي

ابونوره: أجل أتصل عليهم وخذ الأجازة وأقعد هنا في الرياض لين ماتخف رجولك

خالد: والله الود ودي بس ماراح ينفع وراح يحسبوني أكذب عليهم

ابونوره: وليه ما ينفع خلني أكلمهم ياولدي

خالد: لا تعب عمرك ياعمي و أنا عندي شغل واجد هناك و أبغى أخلصه

ابونوره: على راحتك ياولدي أقول خالد

خالد: تفضل عمي

ابونوره: زاد فضلك يا ولدي ومادامك راح تروح للشرقية أسكن في بيتي العود يلي هناك وهو يطل على البحر أسكن فيه بدال ماتستأجر لك شقه وبكذا راح تأمن لك راتبك ولا راح يروح على الأجار

خالد: إيه ياعمي عرفته بس راح أتعبك معي

ابونوره:"بعصبيه" لا تتعبني ولا شيء وأنت ولدي موغريب

خالد:"بخجل" تسلم ياعمي

ابونوره: أنت بس قبل ماتسافر جب أهلك كلهم يسكنو عندنا وبالمره تاخذ مفاتيح البيت والسايق ويازوجته الخدامه علشان ينظفون البيت ويخدمونك

خالد: بس ياعمي

ابونوره:"بعصبيه" لا بس ولا شيء

خالد: "بخجل" إن شاء الله عمي

ومن بعدها يدل أهل خالد ويجلسون يسلمون على نوره وأبوها ومن بعدها تطلع نوره ويا أبوها ويرجعون للبيت وفي بيتهم يجي لنوره مسج من خالد وتجلس نوره تقرائه ومن بعدها جلست تفتش على ذكريات الماضي في صندوق يلي كان في العليه عندما كانت صغيرة وتجلس نوره تتذكر أيام الطفولة......
ولما كانت نوره تتذكر لمحت ألبوم صور وأخذته وجلست تتصفح فيه لين لقت صورتها إهي مع خالد و ضحى و خالتها مها يوم كانو صغار و فجائة تلقا نوره صوره من الصور و تجلس نوره تطالعها لأن نوره ماعرفت مين يلي بالصوره وتروح نوره لأختها العنود علشان تسألها عن يلي بالصوره .............

نوره: العنود يا العنود

العنود: هلا نوره إيش تبغي

نوره: أختي العنود من هذي يلي بالصوره

العنود: " تجلس العنود تطالع في الصوره ومن بعدها جلست تبكي وتعصب في وجه نوره" من فين جبتي هذي الصوره

نوره: " بأستغراب" أنا أمس نزلت من العليه صناديق ومنهم صندوق ألبومات الصور واليوم جلست أفتش بصناديق لين مالقيت ألبوم الصور ولقيت هذي الصوره وجيت اسألك عن من في الصوره

العنود:" وهي تبكي" أنا يانوره ما أقدر أقولك ألحين

نوره:" بستغراب" وليش ماتقدري تقولي لي

العنود: " وهي تبكي" ما أدري ما أدري روحي وسألي أبوي

نوره: "بعصبيه" طيب إيش دخل الوالد بهذي يلي بالصوره أنا أبغى أعرف مين هذي يلي بالصوره

وتروح العنود وهي تبكي وتستغرب نوره وتروح لأختها البندري ومعها الصوره علشان تسألها عن يلي بالصوره..........

نوره: أختي البندري ممكن اسألك سؤال

البندري: تفضلي وسألي

نوره: ممكن تخبريني مين هذي يلي بالصوره

البندري: وريني

نوره: تفضلي هذي الصوره يوم وريتها للعنود وسألتها عن يلي بالصوره جلست تبكي وعصبت علي وقالت لي ما أقدر أخبرك وروحي سألي الوالد عنها ومن بعدها مشت..

البندري:" جلست ساكته وما تكلمت ولا كلمه "

نوره: إيش فيك أختي

البندري:" وهي تبكي" لا مافيني أي شيء

نوره: أبغى أعرف مين هذي يلي بالصوره ويلي خلتكم تبكون

البندري:" وهي تبكي" لو قلنا لك يانوره مراح تصدقي

نوره:" بأستغراب" وليش مراح أصدق

البندري: تعالي معي وأنتي راح تعرفي كل شيء

نوره: طيب

وتروح البندري ونوره لأبوهم ومعهم الصوره..........

ابونوره: هلا البندري ونوره في شيء

البندري: مافي شيء يابوي بس أختي نوره تبغى تعرف مين هذي يلي بالصوره

ابونوره: وريني

البندري: تفضل يابوي

ابونوره:" بأندهاش وتنزل الدمعه من عينه" آهـ يا أم محمد

نوره:" بستغراب" أم محمد مين أم محمد هذي يابوي

ابونوره: أم محمد هذي ام أخواتك العنود والبندري

نوره:" بأندهاش وصدمه" إيش تقول يا يبه

ابونوره: يلي سمعتيه يابنتي

نوره: " وهي تبكي" كيف هذا يايبه

ابونوره: يابنتي أخواتك العنود والبندري من أم غير أمك

نوره:" وهي تبكي ومعصبه" مستحيل يابوي

ابونوره: وبعد كان عندهم أخو أكبر منهم بس مات في حادث وهو أخوك محمد وهو يلي معها

نوره:"وهي تبكي من الصدمه" مستحيل مني مصدقه

ابونوره: انا يابنتي راح أحكي لك كل الحكايه بس هدي نفسك

نوره:" بعصبيه" ولسى فيه حكايه غير هذي الحكايه

ابونوره: الحكايه ومافيها بأني كنت متزوج أم محمد قبل أمك ومن بعدها جبت أخوك محمد وبعدها بسنتين جبت أختك العنود وبسنتين جبنا أختك البندري وعمل أخوك محمد حادث لما كان عمره سبع سنوات وأختك العنود كان عمرها خمس سنوات وأختك البندري عمرها ثلاث سنوات وبسنه ماتت أم محمد لأنها كانت مريضه بالقلب وماقالت لي بخبر مرضها لأنها مابغت تقلقني عليها ومن بعد وفاتها بثلاثة أشهر تزوجت أمك وامك قامت بالواجب وأكثر وأعتبرت أخواتك مثل أعيالها وأكثر وجلست أنا متزوج أمك لنا عشرة سنوات مارزقنا الله بالعيال يعني صار عمر أخواتك العنود 17 سنه والبندري 15 سنه وبعد الصبر جانا الفرج وحملت أمك وفرحنا وأنبسطنا

نوره: متى حملت أمي فيني

ابونوره: حملت أمك فيك بعد عشرة سنوات

نوره: يعني كان عمر أختي العنود18 سنه والبندري 16 سنه

ابونوره: أيوه وفي الشهر الثامن أمك تعبت أكثير "وسكت أبونوره"

نوره: أيواه وبعدين إيش يلي صار

ابونوره: " جلس يبكي" بس يابنتي ما أقدر أكمل لك

نوره:" وهي تتذكر يلي صار في بيت خوالها يوم ماماتت جدتها مع خالها أحمدوخالتها مها يوم تكلمو عن أمها" أبوي إهي سالفة عن خالي أحمد مع أمي صح

ابونوره:" بأندهاش" وأنتي تعرفي

نوره: لو كنت أعرف كان ما سألتك يابوي

ابونوره: أجل إيش يلي عرفك بأن خالك أحمد أهو سبب وفات أمك

نوره:" بعصبيه" إيش تقول يابوي خالي أحمد سبب وفات أمي

ابونوره:" أحمر وجهه وماعرف إيش يقول" هاه أهو مو السبب يعني

نوره:"وهي تبكي" أجل كيف؟ ياله قول لي يابوي

ابونوره: السالفة وما فيها بأن يوم ماتعبت أمك في الحمل محد كان عندها إي أحد إلا خالك أحمد وجدك وجدتك بس وكان جدك مره مريض ومايقدر يتحرك وطلبت جدتك من خالك بأن يودي أمك للمستشفى وكان خالك أحمد متهور في السرعه وكانت أمك في شببابها وعملو حادث ودخلو كلهم للمستشفى وكانت حالت أمك مره خطيره وما قدرو ينقذونها ونقذوك أنتي يابنتي وهذي كل الحكايه

نوره:" وهي تبكي" كم كان عمر أمي في ذلك الوقت؟

ابونوره: كان عمرها 25 سنه

نوره:" وهي تبكي" توها أصغيره

ابونوره: أيواه لأني أنا تزوجت أمك وكان عمرها 13 سنه

نوره: طيب كم كان عمر جدتي أم أمي في ذلك الوقت؟

ابونوره: كان عمرها 38سنه

نوره: طيب متى جابت جدتي خالتي مها؟

ابونوره: جابتها بعد ولادتك بــثلاثة أشهر

نوره: طيب متى جت ضحى بنت عمي؟

ابونوره: جت بعد ولادتك بــخمسة أشهور

نوره: يني أنا أكبرهم

ابونوره: أيواه

نوره:"بكل حزن وأسا" طيب يابوي ليش ما خبرتني بكل هذا

ابونوره: أنا ماخبرتك بكيفية وفاة أمك لأني ماحبيتك تحقدي على خالك أحمد

نوره: طيب ليش ماخبرتني بأني من أم غير أم أخواتي ؟ولاخبرتني عن أخوي محمد بعد؟

ابونوره: لأني مابغيتكم تحسو بأنكم أخوات من أمهات مختلفات بغيتكم تحسو بأنكم أخوات من أم وأب واحد مو أخوات من أب بس أما عن أخوك محمد محد كان يتذكرعنه إي شيء لأنه مات وهو أصغير

نوره:" بمزح" بس هذي كل الحكاية ولا فيه شيء جديد بعد؟

ابونوره: " ببتسامه" لا مافيه شيء جديد


تابعونا في الحلقة القادمة من مسلسل أنا وفارس أحلامي