آآآآآآآآآآآآآآآهـ

قصتي في رمضان بالاصح قصهـ صحبتي بس هيا اكتر من اختي

القصهـ

صحبتي دي ( مينا ) تحب واحد دا الواحد اسمو فيصل

الموهيم

فيصل مسكين عندو القلب اللهـ يشفيهـ ويشفي مرضى المسلمين

هوا كلمها في الليل وقال انو الصباح حيسافر الرياض عشان يسوي عمليهـ واحنا طول الليل بندعي جاء السحور وما كان لينا نفس ناكل وهيا تتابعو متى رحلتو ومتى حيتحركـ من البيت ومتى يوصل الرياض ومع مين حيسافر ...الخ

الرحلهـ كانت الساعهـ 6 ص
والعمليهـ 9.30 ص

بعد الفجر انا حطيت راسي ونمت وهيا صاحيهـ بتدعي وتقرأ قرآن وتصلي

المهم جات الساعهـ 7.30 وتصحيني البت وتقولي قومي فيصل وصل المستشفى انا بالقوهـ افتح عنوني وصحيت معاها وقعدنا نستنى جات 10 وبعدها 11 وبعدها 12 وبعدها1 وبعدها 2 ماجانا اي خبر تدق على جوالو وهيا ترتجف احاول اهديها مافي فايدهـ ترتجف لا شعوريا

الساعهـ 4 العصر دق رقم غريب ردت
قال : انتي ياسمين ؟؟
قالت ايوا انتا مين ؟؟
قال : انا ولد عم فيصل بس هوا قال لما يخرج من العمليات اطمنكـ عليهـ هوا خرج بس العمليهـ فشلت وحيدخل الساعهـ 7.30 حيعمل عمليهـ تانيهـ



وهاتيكـ يا بكاء آآآآآآآآهـ هيا من جههـ اونا من جههـ اسليها



المهم هيا راحت بيتها وانا خالاس نمت بعد الفطور وماجات التراويح الاوهيا تدق عليا مينا

انا بس قولت : الو

قالت : بطهـ

قلت: هااا <<< مارا نعسانهـ

قالت: فيصل مات

انا : طار النوم من عنوني تنحت امكن حقت خمس دقايق هيا تناديني بطهـ وتبكي بطهـ انا قفلت وسرت متنحهـ في الهوا بعدها استوعبت ساعتها بكيت بكاء وشهقت شهيق ماقد بكيتو على احد واللهـ لو انها امي

لا شعوريا اخدت عبايتي ونزلت ماما تقولي بت تعالي وتلحقني على بالها اني مهلوسهـ لأني دوبني صاحيهـ من النوم وانا اقولها مات وانا اشهق حضنتني قالت صلي ع النبي مين مات قلت ماما حروح عند ياسمين قالت اوديكي قلت لا انا اروح رحت وهيا على جبهتها مليون علامهـ استفهام وتعجب

انا دقيت الباب فتحت مينا الباب لأنو مافي غيرها في البيت

بس فتحت حضنتني وتشهق وتقولي بطهـ فيصل مات

وتشهق انا اقولها لا فيصل ما مات واشهق معاها

دخلتها وهياا منهارهـ

اقولها ياسمين صلي ع النبي مين قال انو مات قالت ولد عمو رسل مسج وقال فيصل راح ادعيلو

قولت امكن راح غرفهـ العمليات قالت لا رسل ليا قبل انو دخل العمليات

سرت بس ادق على رقم فيصل ادق ادق ادق في النهايهـ رد واحد قلت اديني فيصل << ابغى اشوف ايش حيقول؟؟

قال فيصل دوبو خرج من غرفهـ العمليات لسى بتأثير البنج محا يقدر يكلمكم

انا قولت ياسمين ما مات

هيا قات انت تكدبي عليا سح؟؟

قولت للي بيكلمني: فيصل مات قال لا وي خرج وهوا طيب ان شاء اللهـ والعمليهـ نجحت

انا بكيت بكاء


قال الرجال : انتي حبيبتو ؟؟

انا :

يلا باي

طراااااااااااااااخ

واقوم احضن مينا ونبكي واقولها فيصل ما مات فيصل عايش معانا لسى

وتبكي من الفرح وتقول اصلن فيصل قالي انو محا يسيبني

هوا يحبني

وداكـ اليوم كأن اخر يوم بكيتو من قلبي على شخص

تشاااااااااااااااااااو