هاااي

كيفكوون

مسسسسسسسسسسساكم الله با الخير

المهم مادريتااااااااا

طلعت النتايج وليتها ماطلعت
طلعت حامل بمادتين ..

وانا اقول ليش ياربي احس بغثيان ايام الاختبارات هههههههههههههههه

المشكله عاد ها الحمل ماتنفع معه حبوب منع الحمل ولا الاجهاض ههههههه

والله فضيحه عاد مالقو غير ها المسمى ليش مايقولون مثلآ معيد با الماده

شايلها معه مو حاملها على الاقل .. اللحين وش اقول لو يسألني احد عن نتيجتي

اقوله اني حامل وانزل راسي وانا اكلمه ههههههههههههههههههه

المهم هذ1 مو موضوعي بس كنت ابي اقولكم اني ساقط << هذي ارحم شوي

ابقولكم معاناتي مع المذن حق مسجد حارتنا

المذن هذ1 خرب سمعتي عند شيبان الحاره كل ابوهم << من مبطي خربانه

يقولهم انتبهو لاتخلون عيالكم يماشون الداشر (( اللي هو انا ))
رافع ضغطي انا عارف ليش مقهور مني عشاني قلت له مره صوتك ماهو زين

المهم واجي العصر معي كورتي ولابس كساراتي اسحب رجليني مثل العاده لابس ملاابس النصر ورقم تسعه مشقوق من ورا والركبه طالعه << ترا ماهو اغراء

واطق الكوره بنص الشارع بس استغربت محد جاني من شباب الحاره

قلت مو مشكله هم الخسرانين واجلس اتفنن يعنني حركات اطق الكوره با الجدار

واقمز واسوي حركات على بالي بسام اللي مع الكابتن ماجد

كل هذ1 وعيال الحاره يناظروني حتى مره على بالي قوي شت الكوره با الجدار

وترجع بوجهي بس عادي اهم شي الوناسه

والين الحين عيال الحاره مايكلموني ولا يلعبوني معهم


عيال الحاره الزلايب

7
7
7





هذ1 انا واحيد

7
7
7





قمت اسوي اغراءات جبت ميدليات من ابو ريالين وسويت كروت

حمرا وصفرا واشتريت ملابس حكم ابي يحطوني لو حكم بس

واشتريت كرتون ميرندا برتقال مانفع

قلت لازم القى لي حل قلت مايحلها الا اللي خربها

المذن

فكرت اني لازم اضبط علاقتي معه رغم اني ما اطيقه هو وضروسه اللي نصها ذهب

والنص الباقي مسوس << حشى ماهو فم خرابه

صرت اجلس جنبه با المسجد واجي اول واحد اشوفه يسد خشمه

قلت عسى ماشر يا ابو محمد مزكووم << اقول بقلبي انشاله دووم

قالي لا بس ريحت التتن معك تصرع الطير الطاير ..

بعدين غير شرابك بصراحه ما اشوف منه فايده نص رجلك طالعه

قلت ابشر واروح لمحل ابو ريالين واشتري شرابات واشتري مسواك له هديه

صار شوي شوي يحبني حبته القراده ..

حتى صرت انا اللي اشغل له المكرفون ..

مره قالي نبي نجرب المكرفون تكلم انت وانا بروح اخر الحاره اشوف

اسمعك زين ولا لا

المهم قريت الحمد وصورة الاخلاص ولا الرجال مابعد جا وانا هذي اللي حافظه

بس وعديت الين ميه ..

اخر شي : ياهلي الرووووووووووح تعباااااااااانه جيبوو لي دكتووور نفسيه

على قلبي ياصويلح احلىى تحيه لمنتدى عزتي .. عبد الغفار سوي بريالين خبز تميز انا اجيك بعد شوي ..

وناسه كل الحاره يسمعوني خخخخخخخخخخخخخخخخخ

مادريت الا والبوز جايني يمشي الفين سمعو صرختي كل الحاره

يوم التفت ولا هذ1 ابو محمد هو يمسكني مع شوشتي برا يا الداشر

لا اشوفك با المسجد بعد اليوم ..

وانا : ابو محمد افهمني اصبر شوي .. خلني اشرح لك

طيب جب مسواكي اللي عطيتك
خربت العلاقه زياده مع المذن وصار يجمع عيال الحاره با الحلقه العصر عنده

وكل يوم يقولهم لاتمشون مع ها السربووت الداشر ..

وصرت وحيد با الحاره بعد ماني الكل في الكل وراس الحربه حق الفريق

ولا يشوت الفاولات الا انا

حتى راعي البقاله صار مايسلفني

واللحين صرت اطقها رجليه للحاره اللي جنبنا عشانهم مايعرفون شي عن الماضي ولا يعرفون المذن ..

شلتي الجديده

7
7

ترا انا اللي لابس سروال سنه با النص خخخخخخخخ

7
7




وابشركم صار عندي سيكل وصرت اذا بغيت اروح لحارتي الجديده

امر عند خوياي الاولين وهم يلعبون امشي بوسط الملعب

ويوقفون العب الين اتعدى ..
مزبرق السيكل كله شطرطونات احمر واصفر واسود << ينعن ام المزاج

وبكذا تخلصت من المذن وغثاه

نستفيد من هذي القصه :

1 - حاول تضبط علاقتك مع المذن لان صوته واصل لكل الحاره
2 - الحاره بدون الشله ماتسوى
3 - اذا اشتريت سيكل لا تركب معك احد ورا ترا الكفر يخرب خخخخخخخ
4 - اللي ماهو فاهم اي كلمه من سالفتي يقولي .. اختلاف الثقافات لايفسد للود قضيه

تشاوووووو

هههههههههههه
اما حامل تبيلها حل
بعدين شكل مشكلتك مو مع المؤذن بس
اولها مع( الحمل..) قصدي تصلح علاقتك مع الاستاذ
وبعد يبيلك تغير النادي <<هلاليه

يسلموووووو عازف الناي

ههههههههههههههههههههههههههـ
والله ضحكتني القصه
مشكور
والله يعطيك العافيه

هههههه الله يرجك انا داخل اشوف وش سالفت الحمل هذا

طلع مواد في الجامعه هع ولا يهمك انا بعد عندي اختبار بكره والله

شكلي حامل الماده من الحين هع وانا ما استخدمت حبوب منع

الحمل لاني عارف انه مراح يفيد وخلها على ربك هذا حال الدنيا يوم لك وعشره عليك

وكل عام وانت بخير