السلام عليكم ورحمه الله وبركاته

اخواني واخواتي اعضاء منتدى مذهله العذر والسموحه على التقصير

ماغبت الا بحكم الظروف اتمنى انكم تعذروني


تدرون وش اصعب دمعه تهلها سود الاعياني
لا صرت فاقد شي وكسب منك قلبك واهتمامه

ماهي فلسفه شااعر يلعب بحروف المعاني
تجربه عمر ما بينها وبين الواقع غمامه

لا صرت يتيم وفاقد الاخوة وبدنياك تعاني
تبي تشكي من جور الليالي وطعنه سهامه

وكل من هو حولك ماتهمه وبطبعه اناني
مال اليتيم في دنياه الا مودة خواله واعمامه

وانا ما اذكر واحد فيهم كان عن الخطا ينهاني
حتى تهت في دروب الضياع وذقت الندامه

وان خطيت صرت انا المجني عليه وانا الجاني
والكل جا يخاصمني كني في دنياه الد اخصامه

حتى اسئل حالي لحالي ليه الزمن يعصاني
اقتنعت من بعدهاا ان العمر تحكمه ايامه

وصار الحزن شي عادي صعب عليه يهز كياني
من باب اقتناع النفس بحظ دنياها وانقسامه

وصدفه التقيت باللي بعطفه وحنانه احتواني
شكالي وشكيتله ورفعني ورفعت مقامه

طبعي كتوم بس دمعتي تسولف عن لساني
يعني مهما انكرت الحزن وضعف اعتصامه

بس مجرد التقائي به تفضحني دمعه اعياني
قال دموعك قلت الجفن فارق وهاجر منامه

قال من اللي اباحها قلت هذا هو حكم زماني
قال عوينك قلت مالك بعرش الحزن وزمامه

قال اخوك قلت يا لبى من كان اعز اخواني
ومن بعدها فقدت اللي كانت للحزن علامه

واذكر اني جفيته بس ما اذكر انه جفاني
واذكر انه حلمي بس ما اذكر اني من احلامه

حتى اغليته ومستحيل اغلي وااحد ثاني
وصار زعيم عرش قلبي ومن علاماته الزعامه

وصدفه في تالي الليل مع زود ظلامه جاني
وقتها احترت من مجيه لي وطول انكتامه

قال سلطان كل شي له حد والعمر فاني
واعرف ان الحزن صعب عليك تخبيه بابتسامه

واليوم ابي اودعك بعد ما احتويتك بحناني
واعرف ان العمر بالصبر ما يعجل الهم انعدامه

واذكر انه قبل ما يرحل على نفسي وصاني
واذكر انه هلت دموعه قبل ما يتم في كلامه

واذكر قبل رحيله قال سلطان تكفى لا تنساني
ومن عقبها تثيقلت على شفاتي كلمه مع السلامه

غمضت عيوني لاجل اخفي عنه دمعة احزاني
المشكله من غمضت طاحت الدمعه ولا عليها ملامه

ومن بعدها اقفى ونيت ونه من صميم وجداني
واقبل الليل علي يخبي الحزن في ظلامه

ما كن الليل الا صديقي اللي عمره ماتبلاني
وما كن الليل الا عشيقي اللي ما جفى في غرامه

ورحت اسئل حالي لحالي ليه فقدتها في ثواني
عرفت من بعدهاا انه قدر عمري وحكمة ايامه

وعرفت ان كل شي بالدنيا له حد والعمر فاني
وعرفت ان الحزن صعب علي اخبيه بابتسامه

وعرفت ان اصعب دمعه تهلها سود الاعياني
دمعه وداع اللي تهلها من الحزن عيون اليتامه




بقلمي